الرئيسية / / طريقة عمل قرص بالعجوة

طريقة عمل قرص بالعجوة

طريقة عمل قرص بالعجوة كلنا طبعا عارفينها وبنشوفها كتير فى محلات المخبوزات والحلويات فى الشارع ونبقى نفسنا نعملها فى بيتنا، القرص الطرية بالعجوة وصفة جميلة ومغذية ممكن نعملها لاطفالنا ولاسرتنا فى العشاء او الفطار تبقى حاجة خفيفة مع اللبن او الزبادى، وصفة القرص بالعجوة هنعملة النهاردة فى البيت ويارب تعجبكم.
طريقة عمل قرص بالعجوة

طريقة عمل قرص بالعجوة

المقادير
كيلو دقيق
نصف كيلو سمنه
2 معلقة كبيرة خميره
2 ملعقة كبيرة سكر
2 ملعقة صغيرة بودر
لبن حليب للعجن
حبه البركه أو سمسم حسب الرغبه

طريقة تحضير قرص بالعجوة:

حطى كل المكونات الجافه مع بعضها وقلبيهم كويس.
سيحى السمنه وسيبها تسخن واعملى حفره في الدقيق وصبى السمنه وخلى بالك لانها هتبقي سخنه فقلبي بملعقه خشب لحد ما يهدى وبعدين تفركى الدقيق بالسمنه لحد ما الدقيق يدوب كله في السمنه.

وبعد كدة دفى شويه لبن وصبى شويه بشويه لحد ما تلم معاكى وتبقي خالصه ايدك وتبقي طريه.
وبعد كدة غطي عليها وخليها تتخمر وسبيها ساعه ونص تقريبا.
في الفتره دى بنعمل االعجوة
عجوة جاهزة تاخدى حته قد عين الجمل كدا وتكوريها بس وعكى ايدك شويه زيت عشان تتدور معاكى وحطى شويه سمسم في طبق، والعجوة الي تكوريها تحطيها في السمسم فبتبقي ملفوفه بالسمسم
ولما تتخمر طلعيها وقطعيها وكوريها علي قد ما انتى عاوزه.
وبعد ما تخلصى تقطيع وتكوير المقدار كله خدى كورة واحطى في وسطها كوره عجوة وتبدأى تدوريها لحد ما العجوة تختفي.
بعد كدة ترصيها في الصينيه وتسيبها تخمر ساعه او ساعتين في فرن دافي وبعدين تشغلى النار عليها بس يكون الفرن متسخن جدا قبلها وتسيبها تحت لحد ما تحمر من تحت وبعدين اطلعلها فوق تتحمر وبالف هنا ليكم.


أتمنى تكون الوصفة عجبتكم وبالف هنا وشفا ليكم وما تنسوش تعملو مشاركة للوصفة مع أصدقائكم.
تابع أيضا

شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون