الرئيسية / / طريقة عمل الكفتة على الفحم مع كفتة الحاتى

طريقة عمل الكفتة على الفحم مع كفتة الحاتى

الكفتة نوع من الأطعمة والأطباق الرئيسية المشهورة والمعروفة تـُحضر الكفتة بفرم اللحم والبقدونس والبصل وأحيانا مع البطاطس فرما ناعما وتفرش فرشا كاملا في الصينية أو تشكّل كالأصابع حسب الرغبة ثم يسكب عليها الماء وتوضع في الفرن وبعد 5 دقائق يتم التخلص من الماء الذي يمتص المواد الكريهة الموجودة في اللحم (الزفرة) ويضاف إليها بدلا منه الطحينية (وهي زيت السمسم) ويعلوها شرائح أو أصابع البطاطا ولمن لا يحبون الطحينية فهناك طريقة أخرى باستخدام شرائح البندورة حسب الرغبة.
تشتهر الكفتة في سوريا ولبنان وفلسطين والأردن ومصر السعودية.
هنتكلم النهاردة نوعين من عمل الكفتة وهم : 
  1. الكفتة على الفحم
  2. كفتة الحاتى
أولا:

طريقة عمل الكفته على الفحم

الكفتة على الفحم مع كفتة الحاتى

المقادير :
كيلو لحمة يفضل انه يكون فيه نسبة من الدهن 20%

2 بصلة متوسطة الحجم
2 فص توم
ربع حزمة بقدونس خضره
ربع حزمة كزبرة خضرة
عصير بشر طماطمايه
ملعقة كبيرة بيكنج بودر لتطرية اللحم
فلفل أخضر أو أحمر حار
ملعقة كبيرة ملح
ملعقة كبيرة فلفل اسود
ملعقة كبيرة بهارات عبارة عن:
(جوزة الطيب زعتر + زنجبيل + ورق لورا + قرفة)

طريقة تحضير الكفته على الفحم :

أولا نقوم بفرم اللحمة، ثم نفرم البصل ناعم مع التوابل والملح وباقى المكونات، ويخلط باللحمه ونضربوا سوا تانى بالكبه ثم نعملها صوابع على الاسياخ عشان الكفته مش تفك مننا واحنا بنشويها، لازم الكفته نطلعها من الثلاجة قبلها بوقت وما تكنش ساقعة.

تانى حاجة الاسياخ تحطها على جنب الفحم وهو والع تكون الاسياخ سخنه نوعا ما بس مش سخنه نار الفحم ولعته قبلها بربع ساعة وبقى جاهزورصيت عليها اسياخ الكفته يدوب كل جهه بتاخد 5 دقايق وتتشوى ونطلع الكفته فى طبق تقديم ثم تزين ببقدونس وكسبرة.

ثانيا:

طريقة عمل كفته الحاتى

طريقة عمل الكفتة على الفحم مع كفتة الحاتى

المقادير :
1/2 كيلو لحمه مفرومه وتكون ناعمه حته دهن ضانى ودا التكه الاولى
1بصله كبير
1 بطاطس كبيره مسلوقه ربع سلقه ودى التكه التانيه
رشه قرفه
رشه جنزبيل بهارات لحمه 
فلفل اسمر
ملح
معلقه كبيره كزبره خضره او بقدونس

طريقة تحضير كفته الحاتى :

نبدأ بخلط كل المكونات مع بعضها ونضيفها للحمه مش تنسي تفرمى الحته بتاعت الدهن الضانى لانها بتدى طعم روووعه ثم صبعيها ومش تنسى تبلى ايدك بميه البصل اللى على جنب بتعطى طعم للكفته.
ثم نرصهم في صينية تيفال ونصب عليها مائة البصل مع مراعاة عدم اضافة ولانقطة مايه لان هى هاتخرج سوائلها ولما تستوي وتحمر نكون مولعين قطعة فحم ونضع في فنجان قطعة زبدة ونضع فوقها الفحم عشان يديكي طعم المشوي.
ثم نعلي عليها النار حتي تحمر قليلا وتنشف من السوائل وتقدم وبالهنا على صحتكم.

اتمنى تكون الوصفات عجبتكم وبالف هنا وشفا 
ولا تنسوا تقيمكم ودعمكم لية، ولو عاوزين أى وصفات تانية اكتبولى فى تعليق تحت الوصفة وانا هنزلهالكم فورا.
تابع أيضا

شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون