الرئيسية / / طريقة عمل تارت الفراوله

طريقة عمل تارت الفراوله

طريقة عمل تارت الفراوله زى ما سبق لينا على مطبخ بيت العيلة وعملنا ميني تارت التوت بالكاسترد ، النهاردة بقى هنعمل ونحضر تارت الفراوله.
إذا كنت في حاجة إلى عمل حلوى لذيذة وسهلة في نفس الوقت فإليك طريقة عمل تارت الفراولة حيث أنه ذات طعم لذيذ جدا ويمكنك عملة بسهولة وهو مناسب للمناسبات الخاصة أو العامة ولذلك فإننا ندعوكي من خلال قسم الحلويات على موقع مطبخ بيت العيلة لتتعلمي معنا طريقة عمل تارات الفراولة بالخطوات السهلة والبسيطة وان شاء الله تنال اعجابك.
تارت الفراوله

تارت الفراوله


المقادير:

كوب سكر بودرة

3 كوب دقيق

1.5 كوب ذبدة

2 بيضات

ملعقة فانيليا صغيرة
ذرة ملح

مقادير الباستري كريم(الكاسترد):

كوب لبن

1 كوب كريمة سائلة جهينه

2 ملعقة كبيرة نشا

4 ملعقة كبيرة سكر

3 صفار بيض 
فانيلا
رشة ملح 

للوجه :

2 كوب فراولة طازجة مقطعة شرائح

طريقة تحضير تارت الفراوله :

هنجيب الذبدة والسكر ونضربهم جامد لحد ما تبقي هشة بعد كدة هنضيف البيض والفانليا للخليط السابق، وبعدها هنضيف الدقيق بالتدريج مع التقليب المستمر لحد ما العجينة تبقي لينة في ايدك يمكن اضافة ملعقة ماء بارد حسب الحاجة وتدخليها في التلاجة1|2ساعه تمسك شوية.
ولما تدخليها التلاجة تعملي الباستري كريم

وطريقة الباستري كريم : 

يوضع اللبن والكريمة على النار حتى يسخن الخليط.
في وعاء يخلط البيض مع السكر والنشا والفانيلا ورشة الملح.
يصب اللبن والكريمة فوق خليط البيض بالتدريج مع التقليب المستمر.
ثم يوضع الخليط مرة اخرى على النار ، مع التقليب المستمر حتى يتماسك الخليط. وتسيبية يبرد نجهزة صينية التارت وندهنها سمن وتبطنيها بالدقيق نبدا نفرد العجينة لحد ما يبقي سمك العجينة نص سم ونغرزها بالشوكه عشان مش تقب ندخلها الفرن في حرارة متوسطة لحد ما تستوي وتسيبيها تبرد خالص نجيب الباستري كريم ونبدأ نفردة علي التارت نبدأ نرص الفراولةونضع القالب فى الثلاجة لمدة 3 ساعات على الاقل قبل التقديم.
ممكن نحشيه مجموعه فواكهه مشكله.


لتلميع الفاكهة:2 باكو جيلي فراولة مع قليل من الماء المغلي، ويقلب جيدا للتأكد من ذوبان الجيلي بالكامل.
بواسطة فرشاة، تدهن الفراولة بالجيلي.



يارب تكون الوصفة عجبتكم لو عاوزين تعرفوا مقادير أى وصفة اكتبولى تعليق تحت الوصفة وأنا هرد عليكم.


شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون