الرئيسية / / الدليل الشامل لطرق عمل جميع أنواع البسكويت

الدليل الشامل لطرق عمل جميع أنواع البسكويت

ملف كامل لعمل جميع أنواع البسكويت

بمناسبة قدوم العيد ((ملف كامل بالصور)) عن جميع انواع البسكويت والكحك والعجين، وكل عام وأنتم جميعا بخير.
طريقة عمل البسكويت بأسهل طريقة بسكويت العيد بسكويت المناسبات وشهر رمضان، حيث انه من اهم العادات حيث يرمز البسكويت بالفرح والسعادة والسرور، ولهذا نساعدك عزيزتى ونقدم لكى اسهل طريقة لعمل البسكويت بجميع أنواعه بكل سهولة على مطبخ بيت العيلة.

1 _ بسكويت البرتقال

بسكويت صحى ولذيذ ويمكنك تقديمة لاطفالك وأسرتك.

طريقة عمل بسكويت البرتقال

المكونات :
1 كيلو دقيق
400 جرام سكر بودرة
1/2 كيلو ذبدة
1 معلقة صغيرة فانيليا
كوب عصير برتقال
5 بيضات
1 معلقة كبيرة بيكنج بودر
للنكهه 1 معلقة كبيرة بشر برتقال 

طريقة تحضير بسكويت البرتقال :

نخفق الزبدة مع السكر لمدة 10 دقائق حتي تصبح كريمة هشه وبيضاء اللون ثم يضاف البيض واحدة واحدة مع الخفق بالمضرب او العجان مع اضافة الفانيليا و عصير البرتقال بشر البرتقال ثم نضيف الدقيق ونضع مع البكنج بودر وذرة ملح وننخلهم علي خليط الزبدة ونجمع العجينة باليد.
ثم نشكلها بكيس حلواني او ماكينة بسكويت او البيتيفور كما يمكن استخدام القمع اليدوي حسب الرغبة يرص في صاج منخفض الجوانب مع ترك مسافة بينهم ويخبز في فرن مسبق التسخين على حرارة 180 تقريبا حتى يحمر خفيفا ويصبح ذهبى.
يخرج من الفرن ويترك كما هو في الصاج حتى يبرد ثم يوضع في علب لحفظه وبالف هنا.

طريقة عمل بسكويت البرتقال
طريقة عمل بسكويت البرتقال



2 _ بسكويت النشادر

بسكويت النشادر الهش اللذيذ واحلى من الجاهز جربوه هيعجبكم كتير.

طريقة عمل بسكويت النشادر

المكونات:
كيلو دقيق
ربع كيلو سمنة بلدى سايحة
5 بيضات كبار
كوب حليب بارد
350 جرام سكر بودرة
ملعقة صغيرة بيكنج بودر
ملعقة كبيرة نشادر
ملعقة صغيرة فانيليا

طريقة تحضير بسكويت النشادر :

هنخفق البيض كويس جدا بالمضرب الكهربائى لغاية ما القوام يتكاثف وندوب النشادر والبيكنج بودر فى كوباية الحليب فاتر لاهو ساخن ولاساقع ونضيفهم للبيض ونخفقهم وفى اناء فاضى هنحط السمنة والسكر بودرة ونضربهم بالمضرب ونضيفهم لخليط البيض والحليب ونضربهم بالمضرب ونضيفلهم الدقيق المنخول بالتدريج ونقلبه معاهم لغاية ماتتكون عجينة نسيبها ترتاح ساعه كده ومتغطيه طبعا.
ونبدأ نشكله ثم نشكلها بكيس حلواني او ماكينة بسكويت او البيتىفور حسب الرغبة.
يرص في صاج او هنحطه فى صوانى مدهونة منخفض الجوانب مع ترك مسافة بينهم ويخبز في فرن مسبق التسخين على حرارة 180 تقريبا حتى يحمر خفيفا ويصبح ذهبى يخرج من الفرن ويترك كما هو في الصاج حتى يبرد ثم يوضع في علب لحفظه .

طريقة عمل بسكويت النشادر

3 _ بسكويت اللانكشير

وصفة شهية سهلة وسريعة التحضير ستنال إعجاب ضيوفك وأفراد أسرتك، جربيها !

طريقة عمل بسكويت الانكشير

المقادير :
2.5 كوب طحين
2.5 كوب نشا
ملعقه صغيره بكنج باودر
1.5 كوب سكر بودره.
2.5 كوب نشا
2 بيضه
1.5 كوب زبدة لينة بحرارة الغرفة
وفانيلا

مقادير الحشوه :
مربى فراوله أو مشمش

طريقه تحضير بسكويت الانكشير :

نضرب الزبدة كويس ثم نضرب معها السكر الناعم ويضربو بالمضرب الكهربائى حتى تصبح هشه ثم نضيف البيض وتخفق ثم الفانيلا ثم نضيف الطحين والنشا والبكنج باودر وتكون العجينه طريه ثم تدخل التلاجه ربع ساعه ثم تخرج ناخد حته من العجين اكبر من البندقة ونكورها كرات صغيرة ونحطها في الصواني وتخبز على 180 لمده 12دقيقة بيكون استوى من غير ما يتغير لونه ثم نتركه تبرد خالص ونضع كل حبتين مع بعض بالمربى ونضغط علشان يطلع المربى من الجناب ثم نغطيه بالمكسرات او بجوز الهند او ممكن نغطي كل حبة لوحدها بصوص الشيكولاته وبالف هنا ليكم.
طريقة عمل بسكوت اللانكشير

4 _ بسكويت السابليه

السابليه نوع من أنواع بسكويت الزبدة ويسمى بهذا الاسم لانه هش وطري ويقدم عادة على موائد اعياد عيد الفطر والاضحى وهو من انواع البيتيفور المحببة جدا.

طريقة عمل بسكويت السابليه

المكونات :
3.5 كوبايه دقيق
1.5 كوب زبده
3|4 كوب سكر ناعم
بيضه
2 معلقه بيكنج بودر
معلقه فانيليا

طريقه تحضير بسكويت السابليه :

نخفق الزبدة مع السكر ثم البيضه والفانليا ثم نضيف نضيف باقى المكونات و نعجن كل المكونات نحطها في كيس بلاستيك و نخليها ترتاح ساعة في الثلاجة.
بعد كده نفرد العجينه علي رخامه مرشوشه دقيق في ناس بتحب تعمل سابليه بالكاكاو زى البتيفور هتاخدوا جزء من العجينة او نصها وهتضيفولها ملعقة صغيرة كاكاو للتلوين لو تحبوا ثم نقطع العجين باي شكل نحبه قلوب مثلثات نجوم اى شكل بالقطاعه سمك نص سم و نعمل نصف الكمية مثقوبة في الوسط ونحطها في الفرن من ٧ الى ١٠ دقايق وبعدين نسيبه ينشف بره الفرن والحشوة بالمربى او نوتيلا او صوص شيكولاته ومكسرات مجروشه وبالف هنا.

طريقة عمل بسكويت السابليه

5 _ بسكويت الفانيليا

البسكويت بكل انواعه من احب الحلويات للجميع سواء كبار او صغار ، كما يتم تقديمه للضيوف مع الشاى الساخن، ومن أحلى أنواع البسكويت هو بسكويت الفانيليا.

طريقة عمل بسكويت الفانيليا

المقادير:
2 كوب دقيق
كوب سمنة
بيضه
كيس فانليا
3|4 كوب سكر بودرة
نص معلقة صغيرة بيكنج بودر

طريقه تحضير بسكويت الفانيليا :

ضيفى السكر على الذبدة وأخفقى كويس لحد ما الخليط يبقى هش وخفيف وبعدين ضيفى البيضه والفانليا على الدقيق وضيفى الدقيق والبكنج بودر بعد كده على الخليط السابق وأعجنى كويس لحد ما تتماسك العجينة وسبيها ربع ساعه ترتاح.
ثم أفردى العجينة وشكليها بقمع او ماكينة البسكوت زى ما أنتى عايزة وهاتى الصينية وأدهنيها زيت أو ذبدة وتكونى مسخنة الفرن واخبزية عشر دقايق علي حرارة 160درجه.

طريقة عمل بسكويت الفانيليا

6 _ البرازق (بسكويت السمسم)

بسكويت السمسم من الأكلات المعروفة و المشهورة و المحببة لدي الجميع سواء كانوا كبارا أو صغارا , فهي من الأكلات اللذيذة الشهية التي تسحرنا بطعمها الرائع و مذاقها الخاص , و علي الرغم من ذلك فهي سهلة و سريعة التحضير و أيضا تحتوي علي مكونات طبيعية و مفيدة للصحة , فكل مكوناتها مفيدة و تمدنا بالطاقة و النشاط.

طريقة عمل بسكويت السمسم (البرازق)

المقادير:
1 كوب زبدة
1/2 كوب سكر
1 بيض
1/2 ملعقة صغيرة فانليا
3 كوب دقيق
1/4 ملعقة صغيرة ملح
1 ملعقة صغيرة بيكينج باودر
1/2 كوب حليب
3 ملعقة كبيرة فستق مجروش
1 بياض بيض
3 ملعقة كبيرة سمسم

طريقة تحضير بسكويت السمسم (البرازق)

تخفق الزبدة جيداً ثم يُضاف السكر وتخلط المواد حتى تصبح هشة كالكريمة.
يُضاف البيض والفانليا مع الاستمرار في الخفق حتى يندمج الخليط.
يخلط الدقيق والبيكنج باودر والملح.
يُضاف خليط الدقيق تدريجياً إلى خليط الزبدة.
يُضاف الحليب إلى الخليط وتخفق المكونات حتى يتشكل عجين متماسك.
يُمد العجين علي سطح مرشوش بقليل من الدقيق ويقطع بالقطاعة إلى دوائر صغيرة.
يُقسم الفستق المجروش (حوالي 4/1 ملعقة صغيرة) في صاج على مسافات متباعدة.
تُوضع الدوائر فوق الفستق المجروش ويضغط عليها قليلاً حتى يلتصق بها الفستق من اسفل.
يُخفق بياض البيض وتدهن به البرازق من أعلى وترش بالسمسم.
تُخبز البرازق في فرن حرارته 180 درجة مئوية لمدة 15 دقيقة.
يستحسن أن يوضع الصاج في الرف الأوسط حتى لا تحرق البرازق من اسفل وبالف هنا.

طريقة عمل البرازق (بسكويت السمسم)

7 _ بسكويت القرفه

بسكويت بالقرفة مفيد جدا وكمان ينفع أكله فى أى وقت .. يعنى ممكن مع الشاى وممكن الأطفال ياكلوه فى المدرسة .. وكمان ممكن نعمل منه كمية وفيرة وتفضل معانا لمدة أسبوع أو عشر أيام . والبسكويت ده مش دهنى أوى ولا ناشف أوى 
مش دهنى أوى ولا جامد .. يعنى وسط .. وهو شبيه بالبيتى فور .

طريقة عمل بسكويت القرفة

المقادير :
نص كوب سكر
4 معلقه عسل اسود 
نص كوب زيت
بيضة 
قرفة معلقة صغيرة
2 كوب دقيق 

طريقة تحضير بسكويت بالقرفة :

ضربي البيض والقرفة والسكر بعدين ضيفي العسل والزيت ضربى جيدا ضيفي الدقيق لحد ماتتكون عجينة مش بتبقي متماسكة اوي لانة لازم يرتاح بالتلاجة نصف ساعه افرديها على الرخامة تحتها رشة دقيق وباي قطاعة عندك قطعى أى شكل تحبيه قلوب مثلثات.
بعد كدة اخبزية فى فرن حرارته 200 درجه لمدة 10 دقايق ولما بيطلع بيبقي طري لان السكر اللي فية بيكون سخن لكن اول مايبرد بيقرمش ويبقى جميل.

طريقة عمل بسكويت القرفة
يارب يكون الموضوع عجبكم واستفدتم منا وكل سنة وأنتم طيبين وبخير.
وياريت كلنا نعمل شير للموضوع لكل اصحابنا ... يالا عاوزين التفاعل يزيد.

شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون