الرئيسية / / طريقة عمل قراقيش | منين عجوة وملبن

طريقة عمل قراقيش | منين عجوة وملبن

قراقيش اومينين عجوة او الملبن

طريقة عمل قراقيش عجوة وملبن - منين عجوة وملبن

المنين أو القراقيش من المخبوزات المصرية الأصيلة وأيضا معروفة فى بعض البلاد العربية، وهى وصفة بسيطة فى عملها وأيضا لذيذة فى طعمها، وطريقة عمل المنين لا يحتاج وقت طويل ويمكن عمل المنين أو القراقيش باكثر من طعم وطريقة وأيضا يمكن حشو المنين بالعجوة أو المبلبن كل ذلك وأكثر سوف نتعرف عليها من خلال هذا الموضوع مقدم من مطبخ بيت العيلة ان شاء الله تنال اعجابكم.



المقادير
كيلو دقيق 
كوب سمن - 3/4 كوب زيت
نص معلقة صغيرة ملح - معلقة كبيرة سكر
معلقتين كبار سمسم
كوب مياه
معلقتين كبار قشطة
معلقة صغيرة شمر مطحون
معلقة صغيرة يانسون مطحون
1.5 معلقةخميرة ندوبها في 3 ملاعق مية + ومعلقة صغيرة سكر


مقادير الحشوة
2 كوب تمر عجوة معجونة مع 3 ملاعق زبدة طرية + 3معالق سمسم ورشه قرفه
او ربع كيلو ملبن معجون


سائل التلميع الوجة
بيضه - فانيليا - لبن - سمسم


طريقة عمل قراقيش عجوة وملبن

وندوب الخميرة فى المياه والسكر ونتركهم فى طبق عميق نحط الدقيق وعليه السمسم في النص في حفرة ونحط السمنة مع الزيت في حلة على نار عالية ونسيبها تقدح لمدة 10 دقايق ناخد السمنة ونصبها على الدقيق والسمسم ونبتدي نقلب الدقيق من تحت لفوق وندور على اي دقيق في الجوانب لسة ابيض، ونقلبه لازم عشان يبقى لونه بيج زي بقية الدقيق ويتشرب السمنة كويس نحط نص معلقة ملح ومعلقة السكر ونقلب بس عشان يختلطوا كويس نبتدي نبس العجينة كويس بالمعلقه ونتركها نصف ساعه تبرد ثم نحط الخميرة اللي تفاعلت ونفشت والشمر واليانسون والمياه، ونعجن بايدينا كويس اوووي لمدة 5 دقايق وبعدين نحط معلقتين القشطة ونعجن برده نسيبها دلوقتي تتخمر لمدة ساعة.

نجهز الحشوة
نحط التمر في حلة ونعجنه مع الزبدة والقرفة والسمسم


نبدأ التشكيل
1_ رولات القراقيش نفرد قطعة عجينة مستطيل زي كده بالنشابة سمك متوسط مش تخين ولا رفيع وبرده نفرد بالنشابة 3 ملاعق كبيرة عجوة بالنشابة سمك رقيق ونحط العجوة المفرودة على مستطيل القراقيش المفرود ونلفها زي السويسرول بالظبط ونبتدي نقطع بالسكينة رولات ان شاء الله ونحط بالصينية.
2_ القراقيش العادية الصوابع نفرد قطعة من العجينة مستطيل طولي سمك متوسط ونبرم 3 ملاعق كبار عجوة لصوباع رفيع، ونحطه عالمستطيل ونقطع بالسكية صوابع القراقيش، نرصها بالصينية واقفة كده عشان مش تتحرق العجوة او الملبن، ثم نلمعها بسائل التلميع، ندهنها بفرشاة ببيضةوحليب وفانيليا ورشة سمسم
نسخن الفرن عشر دقايق حرارة هادية 160 الى 170درجة وندخل الصواني وبياخدوا وقت 40 دقيقة، وصحتين وعافية ليكم.


في النهاية لا يسعنا الا ان نشكركم علي سعة صدركم ونتمني أن تكون طريقة عمل قراقيش عجوة وملبن - منين عجوة وملبن عجبت الجميع بإذن الله وكل عام وأنتم بخير، ولا تبخلوا علينا بمشاركة الموضوع على صفحتكم، وفي حالة وجود أى أسئلة أو استفسار أو مقترحات لتطوير طريقة العرض لا تترددوا في مراسلتنا والسلام عليكم ورحمة الله وبركاتة.

شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون