الرئيسية / / الدليل الشامل لعمل جميع أنواع الكبدة بالصور

الدليل الشامل لعمل جميع أنواع الكبدة بالصور

لكل من يبحث عن طريقة جديدة للكبدة فهذا الملف شامل وكامل لعمل طريقة الكبدة.
ملف كامل لكل انواع الكبدة، طرق مختلفة وشهية لعمل الكبدة، الكبدة البانيه طرق متعددة لعمل الكبدة,وصفات مختلفة لتحضير الكبدة.
إذا كانت عائلتك من هواة الكبدة الإسكندرانى، نقدم لكِ الوصفة المثالية لعملها بالمنزل وضمان نظافتها.
الأكلات الشعبية سريعة التحضير وطيبة المذاق مثل: الشاورما، الكبدة والبرجر وغيرها من الأكلات الشعبية المميزة.


ملف كامل لكل أنواع الكبدة بالصور


يارب الوصفات تنال إعجابكم والكل يستفيد ويفيد غيرة.


1- الكبدة الاسكندرانى


ملف كامل لكل أنواع الكبدة بالصور

المقادير وطريقة عمل الكبدة الاسكندرانى

تغسل الكبدة(1/2ك) ثم تقطع مكعبات صغيرة ثم تتبل لمدة ساعة في الليمون والخل وعصير البصل وعصير ليمون وتوم بودر.
حطى فى الطاسة 3 معلقه زيت وحطي الكبدة بعد ما غسلتيها طبعآ وشوحيها لحد ما لو نها اتغير تكونى مقطعة 3حبات فلفل وحطيهم عليها وقلبى شوية ثم فصين توم و نص قرن فلفل حامى وملح وكمون ثم معلقه توم وبصل بودر وفلفل اسود وشطة و3 معالق خل وقلبيهم عالكبدة بعد ما استوت حطي معلقه سمنه وشوحيها شوية وطفيى النار واعصرى ليمونه عليه.

2- كبدة بانيه


ملف كامل لكل أنواع الكبدة بالصور

المقادير
1/2 كبدة مقطعة كندوز شرايح
4 فص توم مهروس
1/2 معلقة بصل بودر
فلفل اخضر
ملح - فلفل اسمر - بهارات - شطة - قرفة - جنزبيل - كمون
عصير 2 ليمون

طريقة عمل كبدة بانيه

بخلط كل مكونات التتبيله فى الخلاط وبضفها على الكبدة بتبلها واسيبها حوالى 4 ساعات فى التلاجة او يفضل ليلة كاملة.
بحضر 3 اطباق دقيق وبيض وبقسماط بنزل الكبدة فى الدقيق ثم البيض وبعدين البقسماط واسيبها كمان ساعة فى التلاجة بعد كده بحمرها فى زيت غزير يكون سخن جدا ولما انزل بالكبدة اهدى النار خالص عليه الى تمام النضج نجهز طبق واسع عليه ورق لامتصاص الزيت الزائد، نخرج شرائح الكبدة علي الورق ونكرر الخطوات.
عند الانتهاء ننقل شرائح الكبدة البانية علي طبق واسع مرشوش باوراق البقدونس او الجرجير.

3- كبدة مشويه على الجريل


المقادير
1/2 كبدة كندوز مقطعة شرائح
معلقة بصل بودر
معلقة توم بودر
معلقة مستردة
عصير ليمون
فلفل أخضر مفرومين
ملح فلفل قرفة جنزبيل كمون
ليمون

طريقة عمل كبدة مشويه على الجريل

بخلط كل مكونات التتبيله فى الخلاط وبضفها على الكبدة بتبلها واسيبها حوالى 4 ساعات فى التلاجة او يفضل ليلة كاملة، ثم تدهن الشواية بالزيت ثم ترص الشرائح علي الشواية الساخنة وتترك علي النار، حتي تحمر ثم تقلب علي الوجه الأخر حتي تنضج.
يتم وضع فحمة مشتعلة في قطعة فويل بها قليل من الزيت في طبق مع الكبدة وتغطيتهم معا باحكام حتى تكتسب رائحة الشواء على الفحم.
وتقدم علي فرشه من البقدونس تقدم مع الخضار المشوي او سوتيه، وبالف هنا.

4- كبدة بالردة


المقادير وطريقة عمل كبدة بالردة

تتبل الكبده بملح وفلفل اسود شطة، قرفة، جنزبيل، كمون، ومعلقة توم وبصل بودر، وفلفل اخضر حامي مهروس، وعصير ليمون، وتترك حوالي 2 ساعة بالتلاجه، وتغلف بالرده الناعمة وتترك نصف ساعة في الفريزر ثم تقلي في زيت غزير ويرش عليها وهي ساخنة البقدونس وبالهنا والشفا.

5- مكرونه بالكبدة


المقادير
1|2 كيلو كبدة كندوز قطع صغيرة
كيس مكرونة
بصله مبشورة للكبدة
ثوم
فلفل رومى اخضر
بصله مبشورة للمكرونه
2 كوب عصير طماطم
3 ملاعق صلصة
عصير ليمون
جوزة الطيب قرفه ناعمه وسماق
فلفل أسود ملح
للتزين (زيتون قطع شبت)

طريقة عمل مكرونة بالكبدة

شوحى الكبدة فى الزيت على النار أضيفى البصل والثوم المفرومين والليمون والفلفل الاخضر والملح والفلفل الأسود وجوزة الطيب والقرفه أضيفى صلصة الطماطم لخليط الكبدة وقلبى، إسلقى المكرونة فى الماء المغلى المضاف له الملح والزيت ثم صفيها في قدر، ضعي البصله والزيت على النار لمدة 3 دقائق حتى يكتسب اللون الذهبي .
أضيفي عصير الطماطم والبهارات ومكعب الدجاج واتركيه على النار حتى يتسبك ثم أضيفي المكرونة وقلبى إغرفى المكرونة فى طبق التقديم وعليها خليط الكبدة وزينى الوجة بشرايح زيتون وبعود شبت وقدميها وبالصحتين ليكم.

6- شاورما الكبدة


ملف كامل لكل أنواع الكبدة بالصور

المقادير
1|2 كيلو كبدة
فلفل الوان مقطع شرائح طولية
بصلة مقطعة شرائح
ثمرة طماطم مقطعة شرائح طولية
3 ملاعق كبيرة بقدونس مفروم
عصير ليمون
معلقتين كبيرة خل
ملح وفلفل وكمون قرفه جوزة الطيب
فصين ثوم مفرومين
معلقتين كبيرة طحينة

طريقة عمل شاورما الكبدة

نتبل الكبدة بملح وفلفل وكمون قرفه جوزة الطيب وثوم مفروم ومعلقة خل وعصير الليمون وتترك 3 ساعات فى الثلاجة، ثم فى طاسة سخنة نضع معلقتين زيت كبيرة تسخن، ثم نضيف الكبدة وتقلب دقايق ونطفى
فى طاسة تانية معلقتين زيت، ثم بصلة مقطعة شرائح طولية ونقلب دقيقة، ثم نضيف الفلفل الالوان والطماطم ونقلب دقيقة، ثم نضيف الكبدة عليها، ثم نضيف معلقة خل التانية ونضيف الطحينة ونطفى ونضيف البقدونس المفروم ونقلب وتقدم فى عيش الشاورما.

7- شيش كبدة


ملف كامل لكل أنواع الكبدة بالصور
المقادير
كبدة مقطعة مكعبات وسط
بصل مكعبات
طماطم مكعبات
فلفل ألوان
ممكن يضاف مشروم

طريقة عمل شيش كبدة

تتبل الكبدة من قبلها بيوم في مية بصل و عصير ليمون ومعلقة كبيرة صويا صوص و دبس رمان و سماق، قرفة،  زعتر، زنجبيل ملح و فلفل و كمون و بابريكا و شطة خل و ليمون.
تجهز الأسياخ و ممكن تتنقع من قبلها في مية ساقعه ساعتين، يتم وضع الكبدة والبصل والطماطم والفلفل في الأسياخ بالتبادل، يتم دهن الشواية بزيت الزيتون يتم وضع الأسياخ فوق الشواية الكهربائية وتقلبيها حتى تنضج، يتم وضع فحمة مشتعلة في قطعة فويل بها قليل من الزيت في طبق مع الكبدة وتغطيتهم معا باحكام حتى تكتسب رائحة الشواء على الفحم، تقدم مع الأرز الأبيض وسلطة بابا غنوج، وبالف هنا.

أتمنى تكون الوصفات عجبتكم ولا تبخلوا علينا بمشاركة الموضوع مع أصدقائكم علشان الكل يستفيد، ولو احتاجتم وصفات أخرى راسلونى على صفحاتنا على شبكات التواصل الاجتماعى مطبخ بيت العيلة.

شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون