الرئيسية / / عمل الملوخيه المصريه بالتفصيل - مع جميع طرق تقديمها

عمل الملوخيه المصريه بالتفصيل - مع جميع طرق تقديمها

ملف الملوخيه المصريه بالتفصيل ( مع كل طرق تقديمها الجمبرى والارانب )

وطبق الملوخية معروف وهو من أشهر المأكولات على المائدة المصرية، طريقة عمل الملوخية حيث تعتبر الملوخية واحدة من الأكلات المفضلة لأغلبية أفراد الأسرة تقريباً، وهى تختلف عن طريقة عمل ملوخية بالدجاج والحمص على الطريقة السورية.
الملوخية الوجبة المصرية الاصيله ومكوناتها بسيطة كما ان رائحتها مميزه ويسهل تعلم طريقة عمل الملوخية في المنزل بمكونات بسيطة وايضا صحية مثل الثوم المكون الاساسي طريقة طبخ الملوخية المصرية لابد من تعلمها لانها من اساسيات المطبخ المصري وسوف نتعلم طريقة عمل الملوخية بالارانب وطريقه عمل الملوخية بالجمبرى كل وصفات الملوخية المميزه سوف نتعلمها خطوه بخطوه فى مطبخ بيت العيلة.


عمل الملوخيه المصريه بالتفصيل - مع جميع طرق تقديمها



ملوخية مع الارانب أو مع الجمبرى

تقطف أوراق الملوخية وتغسل جيدا، وتصفى من الماء وتفرد لتجفف فى الهواء.
تفرى ( تخرط ) بالمخرطة جيدا لتصبح ناعمة جدا.
حطى معلقه سمنه على النار وحمرى فصين توم، وبعد ما يصفر حطى عصير طماطم حوالى ثمرتين طماطم واهدى النار لحد ما يتسبكو على اﻻخر، وبعد ما يتسبكو حطى شوربه ومكعب مرقه وربع ملعقة سكر وسيبيها تغلى شويه صغيره، وبعدين تحطى الملوخيه واوطى شويه لحد ما الملوخيه تغلى بس متغليش كتير بعدها قشرى 6 فصوص توم ودقهم وقبل ما يصفروا فى معلقه سمن حطلهم نص معلقة كزبره ناشفه، بعدين طشى بيها الملوخيه ومش تغطيها ويدوب تقلب واطفى عليها.
دوقوا اروع ملوخيه.


ملحوظه

*********

لو حابه تخزنيها فى الفريزر يوضع ورق الملوخية في ماء مغلي به ملعقه ملح وملعقه سكر لمدة دقيقتين حتى تذبل ثم تصفي وتوضع فورا في ماء مثلج وتصفى ثم توضع في الخلاط وتضرب ضربتين حسب ما انتي بتحبيها خشنة او ناعمة وتوضع في اكياس ويفرغ منها الهوا وتفرز وعند الاستعمال اضربيها بتلجها مع كبشة شوربه في الخلاط لفتين فقط علشان ما تنعمش خليها خشنه شويه ونزليها فورا في الشوربه ثم تطبخ بالطريقة المعتادة وبتكون خضرا وجميلة.


طريقة عمل ملوخية مع الارانب والجمبرى


1- الملوخيه بالارانب

عمل الملوخيه المصريه بالتفصيل - مع جميع طرق تقديمها

طريقة عمل وتحضير الملوخيه بالارانب
جيبى الارانب اغسليها كويس جدااا، ثم انقعيها في ماء وملح وليمون ساعه واغسلها تاني.
هاتى حلة علي النار فيها ملعقة سمن بلدي حطى فيها الارانب ومعاها بصلة وطمطماية وفلفل اسود وحبهان ولاورو وفص مستكة وقلبى وشوحيه مع بعض، اما تنشف الماء زودى مياة السلق حتي تمام السواء
بعد السواء شيلى الارانب من الشوربة ورشى عليها ملح وفلفل احمريها في طاسة بالسمن البلدي.

عمل الملوخيه

نغلي مرق الأرنب ثم نضع الملوخية ونقلبها بسرعة نترك الملوخية تغلي غلوتين فقط نملحها حسب الرغبة.
التقلية
معلقة كبيرة توم مفروم
معلقة صغير كسبرة ناشفة
و طشي الملوخية.
نغطي الحلة بسرعة لمدة دقيقة فقط ثم نرفع الغطاء ونقلب الملوخية ونترك مكشوفه، وبالف هنا.

عمل الملوخيه المصريه بالتفصيل - مع جميع طرق تقديمها

2- الملوخيه بالجمبرى


عمل الملوخيه المصريه بالتفصيل - مع جميع طرق تقديمها

المقادير
نص كيلو جمبرى مغسول كويس ومقشر
نص كيلو ملوخية خضرا
6 فصوص توم مفروم مع ملح وكمون وكسبرة ناشفة مطحونة
مياه
ومكعب ماجى
معلقة كبيرة سمنة
1 فلفل اخضر

طريقه عمل الملوخيه بالجمبرى

نحمر فصين التوم المتبل بالملح والكمون والكسبرة فى السمنة، ثم ننزل عليه بمعلقتين صلصه طماطم ومعلقه سكر حتى يتسبكوا مع بعض كويس.
ثم نضيف المياه على قد كمية الملوخية وعليها مكعب الماجى ونسيبها تغلى غلوتين وبعدين نضيف الجمبرى ونسيبة بردة يغلى غلوة بس هو مش بياخد سوى كتير، نضيف الملوخية ونقلب بسرعة ثم يفرم الفلفل الأخضر ويهرس مع الثوم المفري.
يقدح السمن على نار هادئة ويضاف إليه الفلفل الأخضر والثوم مع قليل من الفلفل الأسود والملح مع التحريك المستمر حتى يذبل الثوم ثم يضاف اليه الكسبرة الناشفة مع التحريك لمدة 1 دقيقة ثم يضاف الخليط إلى الملوخية.
ويا دوب تغلى غلوتين كدة وتشيلى الريم اللى بيطلع على الوش وتطفى عليها ومتسيبهاش تغلى كتير علشان متسقطش فى الحلة تقدم فى الاطباق مع الارز الابيض وبالف هنا ليكم.

عمل الملوخيه المصريه بالتفصيل - مع جميع طرق تقديمها

يارب يكون الوصفات عجبتكم واستفدتم منها وكل سنة وأنتم طيبين وبخير وربنا يتقبل منكم صالح الأعمال.

وياريت كلنا نعمل شير للموضوع لكل اصحابنا ... يالا عاوزين التفاعل يزيد والكل يستفيد.
ولو عاوزين وصفات معينة راسلونى على صفحة الفيس وانا تحت امركم فى اى وقت.

شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون