الرئيسية / / الدليل الشامل لعمل البقسماط والباتون ساليه فى البيت

الدليل الشامل لعمل البقسماط والباتون ساليه فى البيت

ملف خاص بالبقسماط والباتون ساليه
لازم نعرف ان كل حاجه ينفع نعملها فى البيت و زى برا واحسن واضمن كمان، عشان كده هنقدم طريقه عمل البقسماط والباتون ساليه فى البيت بطريقه سهله وبسيطه، احلى بقسماط والباتون ساليه من مطبخ بيت العيلة لعيونكم، اليكى المقادير والخطوات فى هذا الدليل وان شاء الله تنال اعجابكم.

الدليل الشامل لعمل البقسماط والباتون ساليه

1- البقسماط


الدليل الشامل لعمل البقسماط والباتون ساليه


المقادير

2.5 كوب دقيق
1/2 معلقه كبيرة خميره
معلقه سكر
1/2 معلقه صغيره ملح
1/2 كوب زيت
3/4 كوب ماء دافي للعجن
للوجه
بيضه + لبن + فانليا + سمسم + حبه البركه



طريقة عمل البقسماط

يوضع الدقيق مع السكر مع الملح ويخلط بعدين الزيت ويقلب جيدا ثم الخميرة مع الماء الدافي ونخلطهم كلهم سوا، ويعجنوا كويس وتترك عشره دقائق لترتاح، ثم شكلى العجين على هيئة أصابع طوليه، وتدهن الأصابع بالبيض المخفوق، وضعى كمية مناسبة من السمسم أو شمر أو الكمون الصحيح، ثم ادهني الوجه بصفار البيض مع قليل من الحليب ويوضع علي لوجه السمسم أو حبه البركه حسب الرغبه وتترك لتخمر نصف ساعه وتدخل الفرن علي درجه حراره 190 درجة مئوية لمده ربع ساعه أو حتي يتحمر الوجه ويقدم مع الشاى او اللبن وبالف هنا ليكم.

الدليل الشامل لعمل البقسماط والباتون ساليه

2- الباتون ساليه


الدليل الشامل لعمل البقسماط والباتون ساليه

المقادير

3 كوب دقيق
3/4 كوب لبن حليب دافى
1/2 كوب زبدة سايحه
1/4 كوب زيت
1 ملعقة كبيرة خميره
1 ملعقة كبيرة سكر
1/2 معلقه صغيره ملح
للوجه
بيضه + 2 ملعقة حليب+ فانليا + سمسم 

وكمون وشمر او جبنه مبشورة.


طريقة عمل الباتون ساليه

اللبن ثم الزيت ثم الخميرة ثم السكر واقلبهم كويس، ثم الزبدة ثم الدقيق وذرة الملح واقلبهم سوا واعجنهم كلهم مع بعض وشكلى العجين على هيئة أصابع رفيعة وتدهن الأصابع بالبيض المخفوق وضعى كمية مناسبة من السمسم أو شمر أو الكمون الصحيح في طبق، وتدحرج فيها أصابع الباتون ساليه وترص على الصاج وتترك لمدة 10 دقائق أخرى لترتاح ويدخل في فرن درجة حرارته 160 درجة مئوية لمدة 10- 15 دقيقة وتقدم وبالف هنا وشفا ليكم.

الدليل الشامل لعمل البقسماط والباتون ساليه

يارب يكون الوصفات عجبتكم واستفدتم منها وكل سنة وأنتم طيبين وبخير وربنا يتقبل منكم صالح الأعمال.

وياريت كلنا نعمل شير للموضوع لكل اصحابنا ... يالا عاوزين التفاعل يزيد والكل يستفيد.
ولو عاوزين وصفات معينة راسلونى على صفحة الفيس وانا تحت امركم فى اى وقت.


شارك الوصفة مع أصدقائك
جميع الحقوق محفوظة لــ مطبخ بيت العيلة 2017 © تصميم كن مدون